कोरेगाव भीमा Koregaon Bhima येथील हिंसाचाराच्या कटात सामील असल्याच्या आरोपाखाली सामाजिक कार्यकर्ते फादर स्टॅन स्वामी यांना अटक करण्यात आली आहे. राष्ट्रीय तपास यंत्रणेने (NIA) झारखंडमधील नामकुम बगईचा येथील निवासस्थानावरून चौकशीनंतर ताब्यात घेतले.
ऑगस्टमध्ये प्रथमच फादर स्टॅन स्वामी यांच्यावरही चौकशी केली गेली. स्वत: चे मानवाधिकार कार्यकर्ते म्हणून वर्णन करणाऱ्या फादर स्टॅन स्वामी यांच्यावर आरोप आहे की, त्यांच्या आणि त्यांच्या साथिदारांच्या भाषणानंतरच 1 जानेवारी 2018 मध्ये कोरेगाव भीमामध्ये Koregaon Bhima हिंसाचार भडकला होता.
वाचा : Maratha Reservation l मराठा समाजाचा महाराष्ट्र बंद मागे
या प्रकरणात एनआयए दोन महिन्यांपूर्वी 6 ऑगस्ट रोजी फादर स्टॅन स्वामी यांच्या घरी पोहोचले होते आणि त्यांच्या निवासस्थानी सुमारे अडीच तास तपास करत चौकशी केली होती. या संदर्भात एनआयएपूर्वी महाराष्ट्र पोलिस संशोधन करत होते. यापूर्वी महाराष्ट्र पोलिसांनी देखील दोनदा फादर स्टॅन स्वामी यांची चौकशी केली आहे. महाराष्ट्र पोलिस 28 ऑगस्ट 2018 रोजी प्रथम त्यांच्या निवासस्थानी दाखल झाले होते.
एनआयएच्या टीमनं स्टेन स्वामी यांची जुलै आणि ऑगस्ट या महिन्यात चौकशी केली होती. तसंच त्यांना पुढील चौकशीसाठी मुंबईतील कार्यालयात बोलावण्यात आलं होतं. परंतु वयोमानानुसार आणि करोना महासाथीच्या पार्श्वभूमीवर आपण प्रवास करू शकत नाही असं स्वामी यांनी यापूर्वी सांगितलं होतं.
तसंच झारखंड सरकारच्या निर्देशांनुसार ६० वर्षांपेक्षा अधिक वयाच्या व्यक्ती सार्वजनिक ठिकाणी उपस्थित राहू शकत नाहीत. त्यामुळे व्हिडीओ कॉन्फरन्सिंगद्वारे चौकशी करण्यात यावी असंही ते म्हणाले होते. अशीही माहिती समोर आली आहे.
फादर स्टेन स्वामी यांना ट्रान्झिट रिमांडवर दिल्लीला आणले जाऊ शकते. ते मूळचे केरळचे रहिवासी आहेत. यापूर्वीही स्वामींची एनआयएकडून चौकशी करण्यात आली होती. माओवाद्यांशी संबंध असल्याच्या आरोपावरून त्यांची चौकशी करण्यात आली होती.