चंद्रपूर l चंद्रपुरात वाढदिवसाची पार्टी करुन मित्र परततत असताना कार ट्रॅक्टरचा भीषण अपघात झाला. chandrapur-car-accident ट्रॅक्टरला दिलेल्या धडकेत कारचा अक्षरश: चेंदामेंदा झाला असून चौघेजण ठार four-died झाले. चंद्रपूर-मूल मार्गावरील अजयपूर भागात मंगळवारी रात्री हा अपघात झाला.
मृतांमध्ये दोन तरुण आणि दोन तरुणींचा समावेश आहे. हे सर्वजण मूल येथील प्रतिष्ठित व्यापारी कुटुंबातील असल्याची माहिती समोर आली आहे.
हेही वाचा : बुलेट ट्रेनला मागे टाकून कांजूरची मेट्रो कारशेड पुढे जाईल;शिवसेनेने ठणकावले
योग गोगरी (२३) याचा मंगळवारी वाढदिवस होता. हा वाढदिवस साजरा करण्यासाठी दर्शना उधवाणी ( २५), प्रगती निमगडे (२४), मोहम्मद अमन (२३) आणि स्मित पटेल (२५) या चार मित्रांसह योग गोगरी हॉटेलमध्ये गेला होता. वाढदिवस साजरा करुन घऱी परतत असतानाच अजयपूर येथे त्यांचा कारचा भीषण अपघात झाला.
ट्रॅक्टर शेतातून मुख्य मार्गावर आल्याने कार ट्रॅक्टरवर आदळली
ट्रॅक्टर अचानक शेतातून मुख्य मार्गावर अल्याने भरधाव वेगात असलेली कार ट्रॅक्टरवर आदळली आणि हा अपघात झाला. अपघात इतका भीषण होता की कारचा अक्षरश: चेंदामेंदा झाला होता. अपघातानंतर तेथील स्थानिकांनी घटनास्थळी धाव घेतली आणि मुलांना बाहेर काढलं. मात्र यामधील चौघांचा जागीच मृत्यू झाला होता. घटनेची माहिती मिळाल्यानंतर गावावर शोककळा पसरली आहे.
अपघातात चौघांचा मृत्यू झाला,एक गंभीर
वाढदिवसाची पार्टी करुन मित्र परततत असताना हा अपघात झाला. अपघातात चौघांचा मृत्यू झाला असून एक जण जखमी आहे. ज्या तरुणाचा वाढदिवस होता तो वाचला असून आपल्या मित्रांचा मृत्यू पाहण्याची दुर्दैवी वेळ त्याच्यावर आली. त्याला रुग्णालयात दाखल करण्यात आलं असून उपचार सुरु आहेत.
