मुंबई: राष्ट्रवादी काँग्रेसचे राष्ट्रीय प्रवक्ते आणि राज्याचे अल्पसंख्यांक मंत्री नवाब मलिक (Nawab Malik) यांनी ट्वीट करत खळबळजनक आरोप केला आहे. मागील काही दिवसांपासून गाडीत बसलेले लोक माझे घर आणि शाळेची ‘रेकी’ करत आहेत, असा आरोप नवाब मलिकांनी केला. या संशयितांचे फोटोही ट्वीट केले. यावेळी नवाब मलिकांनी या फोटोतील लोकांना कुणी ओळखत असेल तर माहिती देण्याचंही आवाहन केले आहे.
नवाब मलिक म्हणाले, “या गाडीत बसलेले हे लोक मागील काही दिवसांपासून माझं घर आणि शाळेची ‘रेकी’ करत आहेत. जर कुणी यांना ओळखत असेल तर मला माहिती द्या. या फोटोत असलेल्या लोकांनी मला येऊन भेटावं, मी सर्व माहिती देतो असंच माझं त्यांना सांगणं आहे.”
नवाब मलिक यांनी ट्वीट केले फोटो
यह लोग इस गाड़ी में सवार पिछले कुछ दिनों से मेरे घर और स्कूल की ‘रेकी’ कर रहे हैं.
अगर कोई इन्हें पहचानता हो तो मुझे जानकारी दे.
जो लोग इस तस्वीर में हैं, मेरा उनसे कहना हैं कि, तुम्हें मेरी कोई जानकारी चाहिए तो आकार मुझसे मिले, मैं सारी जानकारी दे दूँगा pic.twitter.com/ZAmJhqEWoL— Nawab Malik نواب ملک नवाब मलिक (@nawabmalikncp) November 26, 2021
?
नवाब मलिक यांनी एकूण ५ फोटो ट्वीट केले आहेत. यात एका कारमध्ये दोन व्यक्ती बसलेले दिसत आहेत. त्यातील एक गाडी चालवत आहे, तर दुसरा मागच्या बाजूला बसला आहे. मागील सीटवर बसलेल्या व्यक्तीने मास्क घातलेला दिसत आहे. तसेच त्याच्या हातात कॅमेरा देखील दिसत आहे.
नवाब मलिक यांनी या ५ फोटोंमध्ये एक फोटो गाडीचाही ट्वीट केलाय. त्यात गाडीचा क्रमांकही दिसतो आहे. मात्र, हे फोटो नेमके कुणाचे आहेत याबाबत अद्याप कोणतीही माहिती समोर आलेली नाही. मात्र या प्रकारामुळे एकच खळबळ उडाली आहे.
