मुंबई : लोकसभेतील विरोधी पक्ष नेते खा. राहुल गांधी (Rahul Gandhi) यांनी शनिवार दिनांक ५ ऑक्टोबरला कोल्हापूर दौऱ्यात उचगाव येथे टेम्पोचालक अजित तुकाराम संधे यांच्या घरी जाऊन त्यांच्याशी व त्यांच्या कुटुंबियांशी चर्चा केली. यावेळी राहुल गांधी यांनी संधे यांच्या स्वयंपाक घरात जाऊन हरभऱ्याची भाजी, वांग्याची भाजी, तुरीची डाळ व भाकरी बनवली व त्यांच्यासोबत जेवण केले.
राहुल गांधी यांनी तुकाराम संधे व अंजना तुकाराम संधे यांच्याशी यावेळी तासभर चर्चा केली. शाहू पटोले आणि तुकाराम संधे यांच्याशी जाती आणि भेदभावाच्या वैयक्तिक अनुभवांबद्दल बोलताना दलित आहाराबद्दल जागरूकता नसणे आणि या संस्कृतीच्या दस्तऐवजीकरणाचे महत्त्व यावर राहुल गांधी यांनी चर्चा केली.
