सौदी अरबने भारतासह ४० देशांच्या पोल्ट्री प्रोडक्टवर म्हणजे चिकन आणि अंड्यांच्या आयातीवर बंदी घातली आहे. मीडिया रिपोर्ट्सनुसार सौदी फूड एण्ड ड्रग अथोरिटी ( SFDA ) ने या संदर्भात आदेश जारी केले आहेत. या निर्बंधात भारताचा देखील समावेश आहे. हे पाऊन सौदीतील जनतेच्या काळजीसाठी उचलण्यात आले आहे. देशाच्या बाजारात खाद्य सुरक्षे मानकांना मजबूत करण्यासाठी सुरक्षा म्हणून हे पाऊल उचलण्यात आले आहे. बातमीनुसार SFDAने म्हटले आहे की ही लिस्ट वेळोवेळी जागतिक आरोग्य परिस्थितीनुसार बदलली जाऊ शकते.
काही देशांवर सौदी अरबमध्ये 2004 पासून निर्बंध लागलेले आहेत. तर अन्य काही देशांचा समावेश नंतर करण्यात आला आहे. हा निर्णय जोखीमचे आकन आणि आंतरराष्ट्रीय अहवालांच्या आधारे घेण्यात आला आहे. खास करुन बर्ड फ्लु ( एव्हीयन इन्फ्लुएंझा ) सारख्या आजारांचा प्रकोप पाहून घेण्यात आला आहे. Gulf News च्या वृत्तानुसार आयात सूचीत केलेले संशोधन अलिकडच्या वर्षातील सर्वात मोठ्या बदलांपैकी एक मानले जात आहे.
भारतासह 40 देशांवर निर्बंध
ज्या 40 देशांच्या पोल्ट्री उत्पादनांवर निर्बंध लादलेले आहेत. त्यात भारतासह अफगाणिस्तान, अझरबैझान, जर्मनी, इंडोनेशिया, इराण, बोस्निया आणि हर्जेगोव्हीना, बुल्गारिया, बांग्लादेश, तैवान, जिबूती, दक्षिण आफ्रीका, चीन, इराक, घाणा, पॅलेस्टाईन, व्हियतनाम, कंबोडिया, कजाकिस्तान, कॅमरून, दक्षिण कोरिया, उत्तर कोरिया, लाओस, लीबिया, म्यानमार, यूनायटेड किंगडम, इजिप्त, मेक्सिको, मंगोलिया, नेपाल, नायझर, नायजेरिया, हाँगकाँग, जपान, बुर्किना फासो, सूदान, सर्बिया, स्लोव्हेनिया, आयव्हरी कोस्ट आणि मोंटेनग्रो यांचा समावेश आहे.
