Rajya-sabha : कृषी विधेयकांवरुन काँग्रेस खासदार राजीव सातवांसह आठ खासदार निलंबित

Rajya-sabha -eight-members-suspended-for-one-week-for-unruly-behaviour -deputy-chairman
राज्यसभेचे आठ खासदार निलंबित Rajya-sabha -eight-members-suspended-for-one-week-for-unruly-behaviour -deputy-chairman

मुंबई : कृषि विधेयके रविवारी राज्यसभेत मंजूर झाली.  राज्यसभेतील विरोधी पक्ष सदस्यांकडून वेलमध्ये उतरुन घोषणाबाजी तसंच नियमपुस्तिका फाडण्याचा प्रयत्न, याची गंभीर दखल घेण्यात आली. राज्यसभेचे सभापती व्यंकय्या नायडू यांनी आज सोमवारी आठ सदस्यांवर निलंबनाची कारवाई केली. उपसभापतींसोबत केलेल्या गैरवर्तनासाठी एका आठवड्यासाठी ही कारवाई करण्यात आली.

हे आहेत निलंबित खासदार

निलंबन करण्यात आलेल्या खासदारांमध्ये काँग्रेसचे राजीव सातव, टीमएमसीचे डेरेक ओब्रियन, डोला सेन, आम आदमी पक्षाचे संजय सिंह, रिपून बोरा आणि सय्यद नासिर हुससैन, सीपीआय (एम)चे के के रागेश आणि एल्मलारन करीम यांचा समावेश आहे.

शेतकरी उत्पादने व्यापार व वाणिज्य (प्रोत्साहन व सुविधा), शेतकरी (हक्क आणि सुरक्षा) किंमत हमी व कृषी सेवा करार ही कृषी विषयक विधेयके मंजुर करण्यात आले. दम्यान विरोधकांकडून सादर करण्यात आलेला उपसभापतींच्या विरोधातील प्रस्ताव फेटाळण्यात आला आहे. कृषी विधेयकांवर चर्चा पुढे ढकलण्याची मागणी फेटाळून सभागृहाचे कामकाज नियोजित वेळेनंतरही चालू ठेवल्याने संतापलेल्या १२ विरोधी पक्षांनी उपसभापतींविरोधात अविश्वास ठराव सादर केला होता.

शेतकरी उत्पादने व्यापार व वाणिज्य (प्रोत्साहन व सुविधा), शेतकरी (हक्क आणि सुरक्षा) किंमत हमी व कृषी सेवा करार ही विधेयके रविवारी राज्यसभेत मंजूर झाली. ही विधेयके लोकसभेत आधीच मंजूर झाल्याने कायद्यात रूपांतर होण्यासाठी ती स्वाक्षरीसाठी राष्ट्रपती रामनाथ कोविंद यांच्याकडे पाठवली जातील.

LEAVE A REPLY

Please enter your comment!
Please enter your name here