मुंबई: सचिन वाझे Sachin Vaze प्रकरणात गेल्या काही दिवसांपासून परमबीर सिंग Param bir Singh यांच्यावर टीका केली जात होती. त्यांच्या बदलीची चर्चा देखील सुरू होती. अखेर राज्य सरकारने त्यांच्या बदलीचे आदेश काढले. तर, सचिन वाझे प्रकरणाचा तपास एनआयए व एटीएस करत आहे. या पार्श्वभूमीवर गृहमंत्री अनिल देशमुख Anil Deshmukh यांनी माध्यमांना प्रतिक्रिया दिली आहे.
“एनआयए आणि एटीएस सचिन वाझे प्रकरणाचा तपास योग्य प्रकारे करत आहेत, त्यानुसार कारवाई केली जाईल. परमबीर सिंग यांची मुंबई पोलीस आयुक्तपदावरून बदली करण्यात आली आहे, जेणेकरून कोणत्याही अडथळ्याशिवाय तपास होईल.” असं अनिल देशमुख यांनी ट्विट केलं आहे.
NIA & ATS are investigating Sachin Waze case very professionally. Action will be taken accordingly. Param Bir Singh has been transferred from the post of Mumbai Police Commissioner so that investigation can be done without any obstruction: Maharashtra Home Minister Anil Deshmukh pic.twitter.com/bjo8uC7aNb
— ANI (@ANI) March 18, 2021
दरम्यान, राष्ट्रीय तपास यंत्रणेने (एनआयए) सचिन वाझे यांच्या ठाणे येथील निवासस्थानी बुधवारी शोधाशोध केली असून रात्रीपर्यंत सुरू असलेल्या या कारवाईत पथकाच्या हाती काय लागले याबाबत एनआयएने माहिती दिली नाही.
हेही वाचा: ‘’पोलिसांना हुकूमशाही ठाकरे सरकारच्या दबावात नको ती कामं करावी लागत आहेत”
वाझे वापरात असलेल्या मर्सिडीज गाडीतून हस्तगत करण्यात आलेली पाच लाख रुपयांपेक्षा जास्त रोकड, नोटा मोजण्याचे यंत्र, कपडे आणि ज्वलनशील द्रव्याच्या बाटल्यांबाबत एनआयएने वाझे यांच्याकडे चौकशी केल्याचे समोर आले आहे.
