नवी दिल्ली l भारतात कोविशिल्ड Covishield आणि कोव्हॅक्सिन Covaxin या दोन्ही लसींना आपात्कालीन वापराची संमती देण्यात आली आहे. सीरम Serum institute आणि ऑक्सफोर्डने तयार केलेल्या कोविशिल्ड आणि भारत बायोटेक कंपनीने तयार केलेल्या कोव्हॅक्सिन लसींचा यामध्ये समावेश आहे. अशी माहिती डीसीजीआयने DCGI पत्रकार परिषदेत दिली आहे.
भारतात करोनाचा फैलाव मोठ्या प्रमाणावर झाला. त्यानंतर चर्चा सुरु झाली ती लसीकरणाच्या मोहिमेची. कालच ड्राय रनही पार पडला. आता प्रतीक्षा होती ती आपात्कालीन वापरासाठी दोन्ही लसींना संमती मिळते की नाही याची. दरम्यान दोन्ही लसींना संमती देण्यात आली आहे. लसीकरणाच्या मोहिमेतलं हे एक महत्त्वाचं पाऊल आहे.
या दोन्ही व्हॅक्सिन अर्थात लसी पूर्णपणे सुरक्षित आहेत असं डीसीजीआयने म्हटलं आहे. सीरमचे मुख्य कार्यकारी अधिकारी अदर पूनावाला यांनी यापूर्वीच लसीचे पाच कोटी डोस तयार असल्याचं स्पष्ट केलं आहे. त्यामुळे पहिल्या टप्प्यात अडीच कोटी लोकांना लस दिली जाण्याची शक्यता आहे.
पंतप्रधान नरेंद्र मोदींनी केले ट्वीट
पंतप्रधान मोदींनी यावर ट्वीट करत म्हटले आहे, ‘प्रत्येक भारतीयाला गर्व असेल की ज्या दोन लशींचा आपातकालीन वापरासाठीची परवानगी देण्यात आली आहे त्या भारतात बनलेल्या आहेत. हे आपल्या वैज्ञानिक समूहाच्या उत्सुकतेचे प्रतीक आहे. एका आत्मनिर्भर भारताचे स्वप्न पूर्ण करणे याच्या मुळाशी आहे.’
वैश्विक महामारी के खिलाफ भारत की जंग में एक निर्णायक क्षण!
@SerumInstIndia और @BharatBiotech की वैक्सीन को DCGI की मंजूरी से एक स्वस्थ और कोविड मुक्त भारत की मुहिम को बल मिलेगा।इस मुहिम में जी-जान से जुटे वैज्ञानिकों-इनोवेटर्स को शुभकामनाएं और देशवासियों को बधाई।
— Narendra Modi (@narendramodi) January 3, 2021
यह गर्व की बात है कि जिन दो वैक्सीन के इमरजेंसी इस्तेमाल को मंजूरी दी गई है, वे दोनों मेड इन इंडिया हैं। यह आत्मनिर्भर भारत के सपने को पूरा करने के लिए हमारे वैज्ञानिक समुदाय की इच्छाशक्ति को दर्शाता है। वह आत्मनिर्भर भारत, जिसका आधार है- सर्वे भवन्तु सुखिनः सर्वे सन्तु निरामया।
— Narendra Modi (@narendramodi) January 3, 2021
दोन दिवसांत मिळाली मंजुरी
देशी औषध उत्पादन कंपनी भारत बायोटेकने शनिवारी म्हटले होते की कोव्हॅक्सिन या त्यांच्या लशीच्या तिसऱ्या टप्प्यातील वैद्यकीय चाचणीसाठी देशभरातील साधारण २६,००० स्वयंसेवक एकत्र करण्याच्या लक्ष्याच्या ते जवळ आहेत.
Vaccines of Serum Institue of India and Bharat Biotech are granted permission for restricted use in emergency situation: DCGI pic.twitter.com/fuIfPQ9i7B
— ANI (@ANI) January 3, 2021
सीरम इन्स्टिट्यूट ऑफ इंडियाने ऑक्सफर्ड-अॅस्ट्राझेनेकाच्या कोव्हिशील्ड या लशीला आपातकालीन वापरासाठी मंजुरी मिळण्याच्या अर्जाला मान्यता दिल्यानंतर एका दिवसाने कोव्हिशील्डला मंजुरी देण्यात आली आहे.
लसीकरण प्रक्रियेची केली आखणी
देशभरात कोरोनाच्या लसीच्या लसीकरणाची प्रक्रिया चालू करण्यासाठी सरकार पूर्णपणे सज्ज आहे आणि केंद्रीय आरोग्यमंत्री डॉ. हर्षवर्धन यांनी म्हटले आहे की याची तयारी निवडणूक प्रक्रियेप्रमाणेच केली जात आहे. या बहुप्रतिक्षित लसीची ड्रायरन ही शनिवारी पूर्ण देशात यशस्वीरित्या पार पडली.
Vaccination drive has been based on election process planned down to the booth level. Over 57,000 participants across 719 districts have completed training. 96,000 vaccinators have been trained so far: Union Health Minister Dr Harsh Vardhan
(file pic) pic.twitter.com/KnpDZCzQsB
— ANI (@ANI) January 3, 2021
निवडणुकीप्रमाणेच इथेही बूथच्या स्तरापर्यंत तयारी करण्यात आली आहे आणि हजारो लोकांना या प्रक्रियेबद्दलचे प्रशिक्षण देण्यात आले आहे. लसीकरणाच्या पहिल्या टप्प्यात तीन कोटी लोकांना कोरोनाची लस दिली जाईल आणि हे लसीकरण निःशुल्क असेल असेही त्यांनी सांगितले.
हेही वाचा : छत्रपती संभाजी महाराज मराठा समाजाचे राजे नव्हे तर अठरापगड जातींचे राजे
