मुंबई: राज्यात आज शनिवार पासून (१९ जून) ३० ते ४४ वयोगटातील नागरिकांच्या लसीकरणास Vaccination सुरुवात होणार आहे. शासकीय लसीकरण केंद्राच्या माध्यमातून ही मोहीम राबविण्यात येणार आहे. ४५ वर्षांवरील नागरिकांचे लसीकरण नियमितपणे सुरू राहणार असल्याचे आरोग्यमंत्री राजेश टोपे Rajesh Tope यांनी सांगितले.
१८ ते ४४ वयोगटातील नागरिकांच्या लसीकरणाबाबत प्राधान्यक्रम ठरविण्याची मुभा केंद्र शासनाने राज्यांना दिली आहे. त्यानुसार राज्याच्या आरोग्य विभागाने लसीकरणाच्या सुनियोजनासाठी वयोगटाचा टप्पा निश्चित केला असून त्याप्रमाणे शनिवार १९ जून पासून ३० ते ४४ या वयोगटातील नागरिकांना लस दिली जाणार आहे.
१९ जून रोजी कोव्हॅक्सिन लस देणाऱ्या केंद्रांची यादी.
केवळ दुसरा डोस उपलब्ध.
कृपया पहिल्या डोसचे प्रमाणपत्र सोबत ठेवा.
केवळ ऑनलाईन नोंदणी.
वेळ: सकाळी १० ते दुपारी ३.#MyBMCvaccinationUpdate https://t.co/zWKYqGZSUT pic.twitter.com/dJmvDrz8v8
— माझी Mumbai, आपली BMC (@mybmc) June 18, 2021
शासकीय लसीकरण केंद्रावरील लसीकरणासाठी पूर्वनोंदणी ही ऑनलाईन आणि प्रत्यक्ष केंद्रावर जाऊन देखील करता येणार आहे. ३० ते ४४ वयोगटातील नागरिकांच्या लसीकरण सत्रांचे नियोजन करण्याकरिता कोविन ॲप मध्ये आवश्यक ते बदल करण्यात येणार आहेत.
विभागाच्या अतिरिक्त संचालक डॉ.अर्चना पाटील यांनी राज्यातील सर्व आरोग्य उपसंचालक, जिल्हा शल्यचिकिस्तक, जिल्हा आरोग्यधिकारी यांना त्याबाबत पत्र पाठविले असून संबंधित कर्मचाऱ्यांना प्रशिक्षण देण्याचे निर्देश त्यांनी दिले आहेत.
